ताप्लेजुङ । ताप्लेजुङको फुङलिङ बजारमा रहेको एक फर्निचर गोदाममा आगलागी हुँदा लाखौँको क्षती भएको छ ।

सदरमुकाम स्थित न्यूरोड टोलमा रहेको कुमार गुरुङको फर्निचर गोदाममा गएराती आगलागी भएको हो ।

आगलागीबाट फर्म, वेयरिङ, सिमेण्ट, बाथरुम, शौचालयमा प्रयोग गरिने सामानहरु जलेर नस्ट भएका छन् ।

बिजुलीको वेयरिङ सम्म नगरिएको घरमा कसरी आगलागी भयो कारण खुलेको छैन । पीडित गुरुले राती दुई बजेतिर आगलागी भएको आफुले जनकारी पाएको बताए ।

‘तल्लो रोडबाट आगो लाग्यो भनेर फोन आयो, उठेर जाँदा फर्म जलिसक्न लागेको रहेछ’ उनले भने ।

आगलागी दमकल, प्रहरी र स्थानीयको सक्रियतामा नियन्त्रणमा आएको छ । वेयरीङ नगरेका कारण आगो कसैले लगाइदिएको हुनसक्ने पीडितको अनुमान छ ।

क्षतीको पुर्ण विवरण आउन बाँकी रहेको छ भने आगलागीको कारणका विषयमा अनुसन्धान भइरहेको प्रहरीले जनाएको छ ।