ताप्लेजुङ । ताप्लेजुङको पर्यटकिय हिमाली बस्ति घुन्सामा कोभिडसँग मिल्दो जुल्दो लक्षण देखिएका विरामीको संख्या बढेपछि औषधी र अन्य स्वास्थ्य सामग्री पठाइएको छ । सोही औषधी ओलाङ्चुङगोला पनि पठाईएको छ ।

शुक्रबार ताप्लेजुङ सदरमुकाम फुङ्लिङबाट त्यसतर्फ औषधी पठाएको मिङ्मा डण्डु शेर्पाले बताएका छन् । उनका अनुसार हिमालयन डेभलपमेन्ट फाउन्डेसन अस्ट्रेलियाको आर्थिक सहयोगमा औषधी र स्वास्थ्य सामग्री पठाइएको हो ।

शनिबारबाट ताप्लेजुङको सबै स्थानीय तहहरुमा कोभिड–१९ विरुद्धको उपचारमा आवस्यक पर्ने स्वास्थ्य सामाग्रीहरु वितरण गरिने समेत शेर्पाले जनाएका छन् ।