ताप्लेजुङ । ताप्लेजुङमा एक महिलाको कुटपिटबाट मृत्यू भएको छ । फुङलिङ नगरपालिका–११ की ४४ बर्षीया मेनुका सार्कीको छिमेकीको कुटपीटबाट मृत्यू भएको १ नम्बर प्रदेश प्रहरी कार्यालय, विराटनगरले जनाएको छ ।
बैशाख २ गते बिहान स्थानीय ५४ बर्षीया कुमारी काङंबा लिम्बुले मेनुकालाई कुटपिट गर्दा घाईते भएकी थिइन् । उनको उपचारका क्रममा बिहीबार विहान मृत्यु भएको हो ।
मेनुकाको मृत्यु भएको भन्ने खबर प्राप्त भएसंगै जिल्ला प्रहरी कार्यालय ताप्लेजुङबाट खटिएको प्रहरी टोलीले लिम्बुलाई पक्राउ गरेको छ । हत्या अभियोगमा पक्राउ परेकी लिम्बुको सम्बन्धमा प्रहरीले थप अनुसन्धान गरिरहेको छ ।