काठमाडौं– घरमा बुढापाकाले रातिको समयमा जुठो भाँडा राख्नु हुँदैन भनेको त हामी सबैले सुन्दै आएको हौँला । किन राती सुत्दा कहिल्यै भान्सा कोठामा जुठो भाडा राख्नु हुँदैन त ? यसमा ज्योतिषशास्त्र र वास्तुशास्त्रसंग जोडिएका कैयौँ कुराहरू हुन्छन् ।

धार्मिक मान्यता अनुसार सरसफाइ हुने घरमा माता लक्ष्मीको वास हुन्छ । त्यसैले सनातन धर्ममा घरको सरसफाइमा विशेष ध्यान दिइएको छ । शास्त्र अनुसार राति खाना पकाउने भाँडो छोड्दा धनकी देवी लक्ष्मी क्रोधित भई व्यक्तिलाई आर्थिक समस्याको सामना गर्नु पर्ने जनविश्वास रहेको छ । त्यसैले रातभरि खाली भाँडाकुँडा छाड्नु हुँदैन ।

भनिन्छ कि राती भान्सा फोहोर छोड्दा मानिसको ग्रहहरू क्रोधित हुन सक्छन् । यसले मानव जीवनमा पनि नकारात्मक असर पार्न सक्छ ।

रातिमा फोहोर चुलो छोड्नु पनि अशुभ मानिन्छ । राति फोहोर चुलो छाड्दा माता अन्नपूर्णादेवीलाई मन नपर्ने जनविश्वास छ । यदि कुनै कारणले राति भाँडाकुँडा सफा गर्न नसकेमा भाँडाकुँडालाई पानीले धोएर छोडिदिनुहोस् । भाँडाकुँडामा कुनै गाँठो हुनुहुँदैन ।

राति सुत्नु अघि जहिले पनि घरको भान्सा कोठा र बाथरुममा एक बाल्टिन पानी भरेर राख्दा ऋणबाट मुक्ति मिल्दछ भने बाथरुममा पानी भरेर राख्दा जीवनमा उन्नतिको बाटोहरू खुल्दछन् ।

घरको मुख्य ढोका अगाडी फोहोर कहिले राख्नु हुँदैन, भनिन्छ यसो गर्नाले छिमेकी शत्रु बन्न पुग्छन् । सूर्यास्तको समयमा कसैलाई पनि दूध,दही या प्याज दिनाले घरको सुख शान्ति र सम्पत्ति नष्ट हुन जान्छ ।

सुत्ने ओछ्यानमा बसेर खाना कहिले खानुहुँदैन । यसले घरमा अशान्ति निम्त्याउँछ, साथ साथै ऋण लाग्दछ । घरमा बनाइएको पूजा स्थल अथवा मन्दिरको ईशान कोणमा सधैँ कलशमा पानी भरेर राख्दा घरमा बस्ने मान्छेको लागि शुभ हुन्छ ।

एजेन्सिको सहयोगमा