काठमाडाैं । मनाङ जिल्लाको पभ्राकालाई केन्द्रबिन्दु बनाएर फेरि भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार सोमवार बिहान ८:२२ बजे भूकम्पको झट्का महसुस गरिएको हो।

केन्द्रका अनुसार भूकम्पको तीव्रता ३.८ म्याग्निच्युड रहेको छ। सामान्य प्रकृतिको भए पनि यो धक्काले स्थानियहरूमा त्रासको वातावरण सिर्जना गरेको छ।

हालसम्म कुनै मानविय वा भौतिक क्षतिको विवरण प्राप्त भएको छैन। भूकम्पीय जोखिम रहेको नेपालमा यस्ता परकम्पहरू नियमित रूपमा महसूस गरिने हुँदा विज्ञहरूले सतर्कता अपनाउन आग्रह गरेका छन्।