ताप्लेजुङ । प्रहरीकाे नियन्त्रणमा रहेका ‘नो केवलकार समुह’का १८ जनालाई जनही २० हजार धरौटीमा रिहा गर्न अदालतले आदेश दिएको छ ।

जिल्ला प्रहरी कार्यालय ताप्लेजुङका प्रवक्ता तथा सूचना अधिकारी प्रहरी निरीक्षक विवेक बस्नेतका अनुसार उनीहरू गत फागुन १० गते देखि प्रहरी नियन्त्रणमा रहेका थिए ।

अदालतले २०८१ साल चैत ७ गतको थुनछेक बहसपछि १८ जनालाई जनही २० हजार धरौटी लिएर छाड्न आदेश दिएकाे हाे ।

प्रहरीले गत फागुन ८ गते पाथीभरा क्षेत्रमा निर्माणाधिन केवलकारको बटम स्टेशन नजिक तथा फुङलिङको वीरेन्द्र चौकमा भएको घटनामा हुलदंगा र अपराधिक उपद्रव गरेको कसुरमा पक्राउ गरेको थियो ।

पक्राउ परेका सबै १८ जना अदालतको आदेशमा बिहीबार नै धरौटीमा छुटेका छन् ।