काठमाडौं । काठमाडौं महानगरपालिकाका मेयर बालेन शाहले ‘मेरो माया लाग्छ ?’ भनेर लेखेको फेसबुक स्टाटस हटाएका छन् । उनले गएराति १० बजेतिर उक्त स्टाटस राखेका थिए ।

उनले कुन सन्दर्भमा किन यो स्टाटस राखेका थिए र पछि किन हटाए भन्ने स्पष्ट छैन ।

उनले प्राय रातिको बेला नै अनेकखालका स्टाटस राख्ने गर्दछन् । यस्ता लेखाइमा उनले गाली र प्रशंसा दुवै पाउने गरेकाछन् । ‘मेरो माया लाग्छ ?’ भनेर सोधिएको स्टाटसमा पनि मिश्रित प्रतिक्रियाहरु थिए ।

उनको यो स्टाटस भाइरल भएको थियो । २ घण्टाको अवधिमै १ लाख ३० हजार रियाक्सन र ४२ हजार ३०० भन्दा बढी कमेन्टहरु थिए ।

कतिपयले सामासजक सन्जाल प्रयोग कर्ताले उनको स्टाटस साभार गरेर आफ्नो फेसबुक वालमा समेत राखेका थिए ।