काठमाडौं । इरानसँग जारी युद्धका बीच अमेरिकाले विश्वभर रहेका आफ्ना नागरिकहरूका लागि एड्भाइजरी जारी गरेको छ । अमेरिकी विदेश मन्त्रालयले चेतावनी जारी गर्दै विशेष गरी मध्यपूर्वमा थप सतर्क रहन आग्रह गरेको हो ।

आइतबार जारी एड्भाइजरीमा विदेशमा रहेका अमेरिकी नागरिकहरूलाई उनीहरूको नजिकको दूतावासले जारी गरेको सुरक्षा निर्देशिका पालना गर्न भनिएको छ ।

अमेरिकाले आफ्ना कूटनीतिक (दूतावास) अड्डाहरूलाई निशाना बनाइएको र इरान समर्थक समूहहरूले विश्वका विभिन्न भागहरूमा रहेका अमेरिकी हित वा अमेरिकी नागरिकहरूसँग सम्बन्धित स्थानहरूलाई लक्षित गर्नसक्ने चेतावनी पनि दिएको छ ।