काठमाडौं । नेपाली काँग्रेसको जारी महाधिवेशनअन्तर्गत बन्द सत्र सुरु भएको छ। बन्द सत्रमा पार्टीका चारवटा प्रतिवेदन प्रस्तुत गरी पारित गर्ने कार्यसूची छ।

बन्द सत्रमा सभापति, उपसभापति, महामन्त्री र कोषाध्यक्षका प्रतिवेदनमाथि छलफल गरी पारित गर्ने तयारी गरिएको छ।

प्रतिवेदन पारित भएसँगै महाधिवेशनको मुख्य बाँकी प्रक्रिया नयाँ नेतृत्व चयनका लागि मतदान हुनेछ।

निर्वाचन कार्यतालिकाअनुसार असोज २२ गते बिहान ७ बजेदेखि मतदान सुरु गर्ने तयारी छ।

महाधिवेशनबाट सभापति एक, वरिष्ठ उपसभापतिसहित चार उपसभापति, तीन महामन्त्री, १५ सहमहामन्त्री र एक कोषाध्यक्ष गरी कुल २४ पदाधिकारी रहने व्यवस्था छ।

यसमध्ये चार सहमहामन्त्री र एक कोषाध्यक्ष सभापतिबाट मनोनीत हुनेछन्। त्यसअनुसार महाधिवेशनबाट प्रत्यक्ष रूपमा निर्वाचित हुने पदाधिकारीको संख्या १९ रहनेछ।

बन्द सत्रको प्रक्रिया सम्पन्न भएपछि काँग्रेसको ध्यान नयाँ नेतृत्व चयनका लागि हुने मतदानमा केन्द्रित हुनेछ।