विराटनगर । हिजो दोहोरो अंकले बढेको बजार आज भने सामान्य घटेर बन्द भएको छ । आज नेप्से परिसूचक ५ दशमलव ४५ अंकले घटेर बन्द भएको हो ।

आज १०२ कम्पनीको शेयर मूल्य बढेको छ भने १६९ कम्पनीको शेयर मूल्य घटेको छ ।

दिनभरिमा ३४८ कम्पनीको २ करोड २८ लाख ६२ हजार कित्ता शेयर किनबेच हुँदा ८ अर्ब ८९ करोड माथिको शेयर कारोबार भएको छ ।

आज सबैभन्दा धेरै लुम्बिनी विकास बैंकको शेयर कारोबार भएको छ । यस बैंकको ३८ करोड ४८ लाख रुपैयाँको शेयर कारोबार भएको हो ।

शिवम् सिमेन्टको ३० करोड ३९ लाख रुपैयाँको शेयर कारोबार भएको छ । घलेम्दी हाइड्रोको २७ करोड ९७ लाख रुपैयाँको शेयर कारोबार भएको छ ।

आज सबैभन्दा धेरै बेनी हाइड्रोका लगानीकर्ताले कमाएका छन् । यस कम्पनीका लगानीकर्ताले १४ दशमलव ९९ प्रतिशतका दरले कमाएका हुन् ।

स्वाभिमान लघुवित्तका लगानीकर्ताले १२ दशमलव ११ प्रतिशतका दरले कमाएका छन् ।

लुम्बिनी विकास बैंकका लगानीकर्ताले ७ प्रतिशतका दरले कमाएका हुन् ।आज सबैभन्दा धेरै मेच्छियाम हाइड्रोका लगानीकर्ताले गुमाएका छन् । यस कम्पनीका लगानीकर्ताले ४ दशमलव ०८ प्रतिशतका दरले गुमाएका हुन् ।