विराटनगर । सुनसरीको कोसी गाउँपालिकामा सशस्त्र प्रहरीको गोली लागी १ जनाको मृत्यु भएको छ ।

मृत्यु हुनेमा मिस्रीलाल साहका छोरा करिब ४०–४२ वर्षीय विजय साह रहेका छन् । राति करिब १ बजे सशस्त्र प्रहरीले हानेको गोली लागी उनको मृत्यु भएको स्थानीयवासीले बताएका छन् ।

घटनाको विस्तृत विवरण अझै सार्वजनिक भई नसकेको छैन ।

सशस्त्र प्रहरी बल नम्बर–४ गण इनरुवासँग घटनाको बारेमा जानकारी लिन खोज्दा यस विषयमा अध्ययन भइरहेको प्रतिक्रिया दिएको छ ।

प्रहरीले कुन परिस्थितिमा गोली प्रहार गर्नुपर्ने अवस्था आयो र घटनाको वास्तविकता के हो भन्ने विषयमा अनुसन्धान भइरहेको जनाएको छ ।

घटनापछि स्थानीयवासी आक्रोशित भएका छन् । घटनाको छानबिन गरी दोषीलाई कारबाही गर्न स्थानीयवासीले माग गरेका छन् ।