खोटाङ । खोटाङका किसानहरु बाँदर नियन्त्रणको माग गर्दै प्रदर्शनमा उत्रिएका छन् ।

खेतबारीमा लगाइएको अन्नबाली बाँदरले नष्ट पारेपछि त्यहाँका किसानहरु प्रदर्शनमा उत्रिएका हुन् । उनीहरुले हलो, जुवा, कोदाली, गैंती, साबेल लगायतका कृषि औजारसहित प्रदर्शनमा उत्रिएका छन् ।

‘बाँदर व्यवस्थापन गर्नै पर्छ’, ‘गाउँमा बाँदर भरियो, जनता भोकै परियो’ लगायतका प्लेकार्ड बोकेर नाराबाजी गर्दै दिक्तेलबजार परिक्रमा गरेका थिए ।

बाँदर नियन्त्रणको माग राख्दै उनीहरुले जिल्ला प्रशासन कार्यालयमा प्रमुख जिल्ला अधिकारी रेखा कँडेलमार्फत प्रधानमन्त्रीलाई ज्ञापनपत्र बुझाएका छन् ।