काठमाडौं । राजधानीका विभिन्न स्थानमा अव्यवस्थित तथा सुकुम्वासी बस्ती व्यवस्थापन तथा हटाउने सरकारी अभियान तीव्र रूपमा अघि बढिरहेको छ।

यसैक्रममा दोस्रो चरणअन्तर्गत शुक्रबार बल्खु, माछापोखरी र शंखमुल क्षेत्रसहितका स्थानमा डोजर परिचालन गरी अनधिकृत संरचना भत्काउने कार्य भइरहेको छ।

सोही अभियानका बीच शंखमुल आसपासका नम्बरी जग्गामा घर निर्माण गरेका केही जग्गाधनीहरूले आफ्नो स्वामित्व प्रमाणित गर्न घरका भित्तामा देखिने गरी लालपुर्जाको प्रतिलिपि टाँसेको देखिएको छ।

सम्भावित अतिक्रमण वा अनिश्चितताबाट जोगिन भन्दै उनीहरूले यस्तो अभ्यास गरेको स्थानीय स्तरमा उल्लेख गरिएको छ।

सरकारी निकायहरूले अव्यवस्थित बसोबास व्यवस्थापनलाई कानुनी प्रक्रिया र स्वामित्वको स्पष्टताका आधारमा अघि बढाइरहेको जनाइएको छ।