काठमाडौं । राजधानीको बल्खु क्षेत्रमा जारी अव्यवस्थित बसोबास हटाउने अभियानका क्रममा धार्मिक संरचना समेत हटाइएको छ।

बागमती नदी किनार अतिक्रमण गरी बनेका घर टहरामाथि बिहानदेखि डोजर चलाइँदा सोही क्षेत्रमा रहेको ऊँ श्री पाथीभरादेवी मन्दिर पनि भत्काइएको छ। मन्दिरसँगै महाकाली र जगतजननीका रूपमा चिनिने संरचनागत स्वरूपहरू समेत हटाइएको जनाइएको छ।

स्थानीय बासिन्दाले धार्मिक संरचना जोगाइदिन अनुरोध गरे पनि सुरक्षाकर्मीको उपस्थितिमा डोजर प्रयोग गरी भत्काउने कार्य अघि बढाइएको स्थानीयको भनाइ छ।

यसअघि सोही क्षेत्रमा रहेको सांगे छोइलिंग गुम्बा पनि हटाइएको थियो। स्थानीयका अनुसार करिब दुई दशकअघि स्थापना गरिएको उक्त मन्दिर पार्वती लामाले निर्माण गरेकी थिइन्।