मोरङ । अपराधिक लाभ मुद्धामा थुनामुक्त भएका विराटनगरका अभिषेक गिरीलाई नेपाल प्रहरीको केन्द्रीय अनुसन्धान ब्यूरोले पुनः पक्राउ गर्दै काठमाडौं लगेको छ । गिरीलाई सोमबार राति विराटनगर विमानस्थलबाट काठमाडौं लगिएको हो ।

जिल्ला कारागार मोरङका कैदीबन्दीको आर्थिक हिनामिना गरेको आरोपमा पक्राउ परेका गिरीलाई सोमबार जिल्ला अदालतका न्यायाधीश टंकबहादुर महतको इजलासले थुनामुक्त गरेर अनुसन्धान प्रक्रिया अघि बढाउन आदेश दिएको थियो ।

केन्द्रीय अनुसन्धान ब्यूरोमा परेको उजुरीको आधारमा गिरीलाई पुनः पक्राउ गरी अनुसन्धानको लागि काठमाडौं पठाइएको मोरङ प्रहरी प्रमुख एसपी कवित कटुवालले जानकारी दिए ।

गिरी असार १३ गते शनिबार विराटनगरस्थित उनकै निवासबाट पक्राउ परेका थिए ।

गिरीसँगै पक्राउ परेका तीन जना सञ्जय मण्डल, विजय कामत र विनोदकुमार सिंहलाई थप सात दिन थुनामा राख्न आदेश भएको छ ।