काठमाडौं । नेपालमा कोरोना भाइरस संक्रमणका कारण आइतबार एकै दिन १४ जनाको ज्यान गएको छ ।

ज्यान गुमाउनेमा चार महिला समेत छन् ।

स्वास्थ्य तथा जनसंख्या मन्त्रालयको आाइतबारको प्रेस ब्रिफिङमा मन्त्रालयका प्रवक्ता प्राडा जागेश्वर गौतमले अनुसार यो सहित नेपालमा कोरोनाबाट ज्यान गुमाउनेको संख्या २२१ पुगेको छ ।

नेपालमा पछिल्लो २४ घण्टामा थप एक हजार २२१ जनामा कोरोना भाइरस संक्रमण पुष्टि भएको छ ।

देशका विभिन्न प्रयोगशालामा गरिएको परीक्षणका क्रममा थप १२२१ जनामा कोरोना भाइरस संक्रमण पोजेटिभ पुष्टि भएको प्रवक्ता गौतमले जानकारी दिए ।

योसहित नेपालमा कोरोना संक्रमितको संख्या ३८ हजार ५६१ जना पुगेको छ ।