विराटनगर । नेपाली बजारमा आज सुनको मूल्य प्रतितोला ३ हजार २ सय रुपैयाँले बढेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख २२ हजार ७ सय रुपैयाँमा कारोबार भइरहेको छ।

आइतबार छापावाल सुन प्रतितोला ३ लाख १९ हजार ५ सय रुपैयाँमा कारोबार भएको थियो। यससँगै आज सुनको मूल्य नयाँ उचाइतर्फ बढेको देखिएको छ। महासंघले दैनिक बजार मूल्य सार्वजनिक गर्दै आएको छ।

यता, चाँदीको मूल्य भने सामान्य घटेको छ। आज चाँदी प्रतितोला १० रुपैयाँले घटेर ४ हजार ९ सय ६५ रुपैयाँमा कारोबार भइरहेको छ। आइतबार चाँदीको मूल्य प्रतितोला ४ हजार ९ सय ७५ रुपैयाँ थियो।