काठमाडौं । सुनको मूल्य शुक्रबार एकैदिन तोलामा ४ हजार ८ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार शुक्रबारका लागि सुनको मूल्य प्रतितोला ३ लाख १ हजार रुपैयाँ तोकिएको छ । अघिल्लो दिन बिहीबार सुन प्रतितोला ३ लाख ५ हजार ८ सय रुपैयाँमा कारोबार भएको थियो ।

यस साताको पहिलो दिन आइतबार सुनको मूल्य प्रतितोला ३ लाख ७ हजार ४ सय रुपैयाँ थियो । यससँगै साताको सुरुवातको तुलनामा सुनको मूल्य प्रतितोला ६ हजार ४ सय रुपैयाँले घटेको छ ।

त्यस्तै, शुक्रबार चाँदीको मूल्य पनि प्रतितोला २५५ रुपैयाँले घटेको छ । अघिल्लो दिन प्रतितोला ४ हजार ८ सय ५५ रुपैयाँ रहेको चाँदीको मूल्य शुक्रबार ४ हजार ६ सय रुपैयाँमा झरेको छ ।

आइतबार साताको पहिलो दिन चाँदी प्रतितोला ४ हजार ७ सय ६५ रुपैयाँमा कारोबार भएको थियो ।