काठमाडौं । हरितालिका तिजको अबसरमा काठमाडौ स्थित पशुपतिनाथ मन्दिर क्षेत्रमा सशस्त्र प्रहरी बल नेपालले स्वास्थ्य , खानेपानी र सुरक्षा सहित करिब ८ सय जनशक्ति परिचालन गरेको छ ।

गए राती २ बजे बाटनै मन्दिर परिसरमा दर्शनार्थीको ब्यबस्थापन, शान्तीसुरक्षा,स्वास्थ्य लगायतको लागि सुरक्षाकर्मी परिचालन गरिएको हो ।

मन्दिर परिसरमा नेपाल एपीएफ अस्पताल बलम्बु बाट महिला चिकित्सक र एम्बुलेन्स सहितको मेडिकल टिम तैनाथ गरिएको छ ।

यसै गरि प्रधान कार्यालय बाट खानेपानीको लागि ट्यांकर सहितको टोलि पनि राती देखिनै खटाइएको छ । यसैगरी पशुपति क्षेत्रको राम मन्दिर नजिक बागमती नदि किनारमा गोताखोर सहितको उद्दार टोलि समेत तयारी अबस्थामा राखिएको छ ।

मेला अबधिभर कुनै अवाञ्छित गतिविधि नहोस् भन्ने उद्देश्यले सूक्ष्म निगरानिका लागी मन्दिर परिसर र वरिपरिको क्षेत्रमा सादा पोसाकमा समेत व्यापक मात्रामा सुरक्षाकर्मी परिचालन गरिएको छ ।

मन्दिर वरिपरिका क्षेत्रहरु तिलगंगा , जय बागेश्वरी , गुह्येश्वरी मन्दिर , बिश्वरुपा मन्दिर , गौरिघाट लगायतको क्षेत्रमा समेत आबश्यक शान्ति सुरक्षाका लागि गस्ती बढाइएको छ ।

आबश्यक समन्वयको लागि मन्दिर परिसरमा कमान्डपोस्ट स्थापना गरिएको छ ।