विराटनगर । मोरङ उद्योग व्यापार संघको नयाँ कार्यसमिति निर्विरोध चयन भएको छ। अनिलकुमार साहको अध्यक्षतामा १६ सदस्यीय नयाँ कार्यसमिति निर्विरोध चयन भएको हो। नयाँ कार्यसमितिमा सदस्यतर्फ सुशील सुराना, अनिल सारडा, विनीत सिंघानिया, दीपेश सुवेदी, विवेककुमार अग्रवाल, विकासकुमार बेगवानी र अनन्त घिमिरे निर्वाचित भएका छन्।

त्यसैगरी अभितकुमार सारडा, पवन राठी, मनिषकुमार मारू, अमित राठी, राजेशकुमार अग्रवाल, संजयकुमार श्रेष्ठ, देवाशीष गोलेछा र वेदान्त जाजू पनि निर्विरोध निर्वाचित भएका छन्।  नवनिर्वाचित कार्यसमितिको बैठकले उपाध्यक्ष, महासचिवलगायत अन्य पदाधिकारीको जिम्मेवारी चयन गर्नेछ। संघको निर्वाचन कार्यक्रमअनुसार आइतबार निर्वाचन कार्यतालिका थियो भने निर्विरोध कार्यसमिति चयन भएपछि मतदान प्रक्रिया स्थगित गरिएको थियो।