काठमाडौँ । स्थानीय बजारमा आज सुनचाँदीको मूल्य घटेको छ। सुनको मूल्य प्रतितोला २ हजार ३०० र चाँदीको मूल्य प्रतितोला ६० ले घटेको हो।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९९ हजार ५०० कायम भएको छ।

त्यस्तै, चाँदीको मूल्य प्रतितोला ४ हजार ६२५ कायम भएको छ। बुधबार छापावाल सुन प्रतितोला ३ लाख १ हजार ८०० र चाँदी प्रतितोला ४ हजार ६८५ मा कारोबार भएको थियो।

यससँगै बुधबारको तुलनामा आज सुन प्रतितोला २ हजार ३०० र चाँदी ६० ले सस्तिएको हो।