काठमाडौं । नेपाल प्रहरीको केन्द्रीय अनुसन्धान ब्युरो (सीआईबी) ले अखिल नेपाल फुटबल संघ (एन्फा) को मुख्यालयमा छापा मार्नुका साथै पदाधिकारीसँग सोधपुछ गरेको छ।

सीआईबीले एन्फाको सातदोबाटोस्थित मुख्यालयबाट अनुसन्धानका लागि विभिन्न कागजात नियन्त्रणमा लिएको छ। त्यसक्रममा एन्फाका पदाधिकारीसँग समेत सोधपुछ गरिएको सीआईबी स्रोतले पुष्टि गरेको छ।

एन्फामा आर्थिक अनियमितता भएको भन्दै परेको उजुरीका आधारमा सीआईबीले अनुसन्धान अघि बढाएको हो। सोही अनुसन्धानका क्रममा सीआईबीले एन्फा मुख्यालयमा छापा मार्नुका साथै पदाधिकारीसँग सोधपुछ गरेको बताइएको छ ।