विराटनगर । जिल्ला प्रहरी कार्यालय सुनसरीले लागूऔषध गाँजा र पिकअप गाडीसहित एक जनालाई नियन्त्रणमा लिएको छ।

प्रहरीका अनुसार  शनिबार राति ३ बजे सुनसरीको इनरुवा नगरपालिका–१०, जाल्पापुर चम्राही टोलबाट शंकास्पद अवस्थामा रहेको पिकअप गाडी जाँच गर्ने क्रममा ठूलो परिमाणमा गाँजा बरामद भएको हो।

प्रहरीले १ च. ८२७९ नम्बरको टाटा पिकअप गाडी जाँच गर्दा गाडीमा लोड गरिएको अवस्थामा  १ हजार ४५४ किलो ८७० ग्राम गाँजासहित एक जनालाई नियन्त्रणमा लिइएको छ ।

गाँजा र पिकअपसहित नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ।

प्रहरीले लागूऔषध ओसारपसार तथा कारोबारविरुद्ध निगरानी र कारबाहीलाई निरन्तरता दिइरहेको जनाएको छ।