काठमाडौं । नेपाल स्टक एक्सचेन्ज (नेप्से) बिहीबार (असोज १५) ०.२६ अंकले बढेको छ । अन्तिम समयमा बजार सम्हालिँदा ०.०१ प्रतिशतले बढ्दै २५९९.१५ विन्दुमा उक्लिएको हो ।

बजार सकारात्मक रहँदा १३९ कम्पनीको सेयर मूल्य बढेको छ । १२८ कम्पनीको सेयर मूल्य घटेको छ । १२ कम्पनीको सेयर मूल्य स्थिर रहेको नेप्सेले जनाएको छ ।

यस दिन चार अर्ब ८९ करोड १८ लाख ७६ हजार रुपैयाँबराबरको सेयर किनबेच भएको छ । एक करोड २० लाख ६५ हजार ५५५ कित्ता सेयर ५१ हजार ७४५ पटकमा किनबेच भएको हो ।

सिन्धु विकास बैंक, कर्पोरेट डेभलपमेन्ट बैंक, इमर्जिङ नेपाल लिमिटेड, माथिल्लो मैलुङ खोला, हाथवे इन्भेस्टमेन्टलगायत कम्पनी उच्च कमाउने शीर्ष पाँचभित्र परे ।

समूहगत सूचकतर्फ वाणिज्य बैंक, विकास बैंक, फाइनान्स र जलविद्युत् समूह बढेका छन् । बाँकी समूह घटेका छन् ।