काठमाडौं । नेपालमा खाना पकाउने ग्यासको अभाव बढ्दै गएको भन्दै ग्यास बिक्रेता महासंघ नेपालले उद्योगबाट हुने खुद्रा बिक्री रोक्न र डिलरमार्फत मात्र बिक्री वितरण गर्न माग गरेको छ।

महासंघका अध्यक्ष ज्ञानेश्वर अर्यालले बजारमा आवश्यकताभन्दा बढी सिलिन्डर हुनु नै अभावको मुख्य कारण रहेको बताए। उद्योगहरूले २ हजार ५ सयदेखि २ हजार ७ सय रुपैयाँसम्ममा नयाँ सिलिन्डर बिक्री गरिरहेको भन्दै महासंघले निगम र सरकारको कार्यशैलीप्रति आपत्ति जनाएको छ।

महासंघले अनावश्यक सिलिन्डरको धरौटी फिर्ता गर्नुपर्नेमा थप नयाँ सिलिन्डर बिक्री गर्ने योजना ल्याइएको भन्दै त्यसलाई रोक्न चेतावनी दिएको छ।