विराटनगर । विराटनगरमा कोरोना संक्रमणका कारण थप एक पुरुषको मृत्यु भएको छ ।

आइतबार विहान कोशी अस्पताल कोभिड १९ उपचार केन्द्रमा उपचाररत ६२ वर्षीय पुरुषको मृत्यु भएको हो । मृतक पुरुष विराटनगर महानगरपालिका– ९ का बासिन्दा हुन ।

कोरोना संक्रमण देखिएपछि विराट मेडिकल कलेजमा उपचाररत उनको अवस्था गम्भिर भएपछि थप उपचारका लागि शनिबार कोशी अस्पताल कोभिड १९ उपचार केन्द्रमा रेफर गरेको थियो ।

उपचारका क्रममा आइतबार बिहान साढे ८ बजे मृत्यु भएको कोभिड १९ उपचार केन्द्रका प्रमुख डाक्टर दीपक सिग्देलले जानकारी दिए ।

उनका अनुसार मधुमेहका विरामी मृतक पुरुषमा शुक्रबार कोरोना पोजेटिभ देखिएको थियो ।