मोरङ । मोरङको दुहबी नगरपालिकामा ‘श्रमिक क्वारेन्टिन’ निर्माण प्रक्रिया सुरु भएको छ।

शनिबारदेखि सुरु भएको श्रमिक क्वारेन्टिन ३०० बेड क्षमताको हुनेछ।

उक्त क्वारेन्टिनमा कोभिड-१९ पोजिटिभ देखिएका कर्मचारीलाई राख्न प्रयोग हुनेछ।

उद्योगमा काम गर्ने कर्मचारी संक्रमित भएमा राख्न क्वारेन्टिन निर्माण गर्न लागेको मोरङका व्यवसायीले जानकारी दिएका छन्।

व्यवसायीहरूका अनुसार दुहवी नगरपालिका, प्रदेश सरकार र मोरङका उद्योगी व्यवसायीले संयुक्तरूपमा क्वारेन्टिनको निर्माण गर्नेछन्।

श्रमिक क्वारेन्टिन दुहवी नगरपालिकाका लिलामीमा रहेका पुराना उद्योगले बनाएको कर्मचारी वासस्थान र उद्योग परिसरमै बनाइने बताइएको छ।

मोरङमा कोरोनाको संक्रमण बढेसँगै मोरङ उद्योग संगठनको पहलमा संक्रमित कर्मचारी राख्न क्वारेन्टिन बनाउन लागिएकाे हाे।