विराटनगर । युवापुस्तामाझ चर्चित गायक प्रमोद खरेल यसपालि तीजको ब्रत बसेका छन् ।
प्रमोदले आफू यसपालिको तीजको ब्रत बसेको ट्वीटमार्फत जानकारी दिएका हुन् ।
यो वर्ष उनकी श्रीमती दीपाले ब्रत बस्न नसक्ने हुँदा उनको साटो आफूले ब्रत बस्ने निर्णय लिएका हुन् ।
‘श्रीमतीले आजको दिन सधैँ श्रीमानको लामो आयुको लागि ब्रत बस्छन्’, उनले भने, ‘श्रीमती बिरामी भएको तीन महिना भयो, सुधार धेरै भएपनि यसपालि सक्दिँनन् ।
त्यसैले यसपालि म उनको लागि किन ब्रत नबस्ने ? यसपालि मैले उनको लागि ब्रत बस्दैछु ।’
दीपाले केही समयअघि छोरीलाई जन्म दिएकी थिइन् ।
बच्चा जन्मने समयमा आमा र शिशुको स्वास्थ्यमा कठिन समस्या उत्पन्न भएको थियो ।
दुवैको स्वास्थ्यमा सुधार भएपनि अहिले दीपा स्वास्थ्यलाभ गरिरहेकी छन् ।
श्रीमती ले आजको दिन सधै श्रीमान को लामो आयुको लागि व्रत बस्छन्,
तर उनी बिराम भएको ३ महिना भयो, सुधार धेरै भएपनि उनी यसपाली सक्दिनन,यसपाली म उनको लागि किन नबस्ने ???
यसपाली मैले उनको लागि व्रत बस्दैछु…— Pramod Kharel (@kharel777) August 21, 2020