विराटनगर । विराटनगरको नोबेल शिक्षण अस्पतालमा उपचाररत कोरोना भाइरस संक्रमित ९० वर्षीय वृद्धको सोमबार बिहान मृत्यु भएको छ ।

सुनसरीको इटहरी उपमहानगरपालिका–५ का वृद्धको बिहान ९ बजेतिर मृत्यु भएको अस्पतालका प्रबन्धक नारायण दाहालले जानकारी दिए।

वृद्धलाई उपचारका लागि २३ गते नोबेल शिक्षण अस्पताल ल्याइएको थियो ।

दाहालका अनुसार पीसीआर परीक्षण गराउँदा स्वाब पोजिटिभ आएपछि उनलाई नोबेलकै कोभिड अस्पतालको आइसोलेसनमा भर्ना गरिएको थियो ।

आइसीयूमा उपचाररत वृद्धमा मधुमेह, दम, युरिक एसिडलगायतका स्वास्थ्यसम्बन्धी पुरानै समस्या रहेको उनको भनाइ छ ।