काठमाडौँ । दुर्गम हिमाली भेगमा रहेका मतदान केन्द्रबाट मतपेटिका संकलन गर्ने प्रक्रिया केही स्थानमा भोलिसम्म जारी रहने भएको छ।

निर्वाचन आयोगका अनुसार हेलिकप्टरको सीमित उपलब्धताका कारण उच्च हिमाली क्षेत्रका कतिपय मतदान स्थलबाट मतपेटिका संकलन गर्ने काम शुक्रबार बिहानसम्म मात्रै सम्पन्न हुने अवस्था देखिएको हो।

आयोगले उपलब्ध गराएको जानकारीअनुसार संखुवासभा जिल्ला, रुकुम पश्चिम जिल्ला, सोलुखुम्बु जिल्ला, मनाङ जिल्ला तथा गोरखा जिल्ला का उच्च हिमाली भेगमा रहेका मतदान केन्द्रका मतपेटिका भोलि बिहान मात्र संकलन गरिनेछ।

हिमाली क्षेत्रमा पर्ने १५ जिल्लाका ६१ वटा मतदान स्थलबाट मतपेटिका हेलिकप्टरमार्फत संकलन गरिने व्यवस्था गरिएको छ। यस कार्यको व्यवस्थापन तथा समन्वयको जिम्मेवारी नेपाली सेना लाई दिइएको छ।

त्यसैगरी ताप्लेजुङको उत्तरी विकट क्षेत्रका मतपेटीका संकलनका लागि नेपाली सेनाको हेलिकप्टर ताप्लेजुङ आईपुगेको छ । आजै मतपेटिका संकलन गर्ने भनिए पनि मौसमले साथ नदिएका कारण भोली विहान मात्रै संकलन गरिने बताइएको छ ।