काठमाडौं । देशका केही स्थानमा यति बेला पानी परिरहेको छ । देशका चार प्रदेशमा पानी पार्ने बादल विकास भएको मौसम पूर्वानुमान महाशाखाले जनाएको छ ।

कास्की, लमजुङ, म्याग्दीलगायत जिल्लामा वर्षा भइरहेको छ । हल्का वर्षा भइरहेको महाशाखाले जनाएको छ ।

“हाल वाग्मती, गण्डकी, कर्णाली र सुदूरपश्चिम प्रदेशको पहाडी र हिमाली भूभागमा मेघगर्जन÷चट्याङसहित पानी पार्ने बादल विकसित भई थोरै स्थानहरू (कास्की, लमजुङ, म्याग्दी, मनाङलगायत आसपासका क्षेत्र)मा मेघगर्जन÷चट्याङ, हावाहुरीसहित हल्का वर्षा÷हिमपात भइरहेको,” महाशाखाले भनेको छ ।

थप वर्षा÷हिमपातको सम्भावना छ । “सो प्रणाली पूर्वतिर सरिरहेको हुनाले आवश्यक सतर्कता अपनाउनुहोला,” महाशाखाले भनेको छ । काठमाडौंमा पनि छिटपुट पानी पर्न सुरु भएको छ ।