काठमाडौं । नेपाल क्लाइम्बिङ स्पोट्र्स एसोसिएसन (एनसीएसए) का खेलाडीहरू चीनमा हुने एसियाली खेलकुदको छनोट चरणका खेलमा सहभागी हुने भएका छन् ।

नेपाल ओलम्पिक कमिटीका अध्यक्ष्य जीवनराम श्रेष्ठले संघका तीन खेलाडी तेन्जिन बर्टिन आरएसआई, स्वस्तिका चौधरी र रोनक उप्रेतीलाई शनिबार औपचारिक रूपमा बिदाइ गरेका हुन् ।

एनसीएसएका खेलाडीहरूले चीनको मेइ सानमा अप्रिल ८ देखि १२, २०२६ सम्म आयोजना हुने ‘वल्र्ड क्लाइम्बिङ एसियन च्याम्पियनसिप (बोल्डर एन्ड लिड)’ मार्फत एसियाली खेलकुदको छनोट चरणका खेल खेल्नेछन् ।

उक्त प्रतियोगितापछि सोही खेलाडीहरूले चीनको केक्वाओमा मे १ देखि ३, २०२६ सम्म हुने ‘वल्र्ड क्लाइम्बिङ सिरिज केक्वाओ २०२६ (बोल्डर)’ मा पनि सहभागिता जनाउने संघका महासचिव सन्तोष मादेनले बताए ।

टोली दुवै प्रतियोगिता सम्पन्न गरेर मात्रै नेपाल फर्कनेछ ।