मोरङ । विराटनगर विमानस्थलमा दुई दिनको अवधिमा प्रहरीले स्रोत नखुलेको करिब २७ लाख रुपैयाँसहित दुई यात्रुलाई नियन्त्रणमा लिएको छ।

शुक्रबार बेलुका बुद्ध एयरबाट काठमाडौँ जान लागेका धरान–१८ का ३५ वर्षीय दिलीप तामाङबाट ११ लाख रुपैयाँ बरामद भएपछि उनी पक्राउ परेका थिए। त्यसको भोलिपल्ट शनिबार दिउँसो श्री एयरलाइन्समार्फत यात्रा गर्न लागेका भारतीय नागरिक ३६ वर्षीय मोहिदिल अलिबाट १५ लाख ९८ हजार रुपैयाँ फेला परेको प्रहरीले जनाएको छ।

दुवै जनाबाट कुल २६ लाख ९८ हजार रुपैयाँ बरामद गरिएको छ भने उनीहरूलाई थप अनुसन्धानका लागि जिल्ला प्रहरी कार्यालय मोरङमा राखिएको छ।