२० बैशाख २०८३, आइतबार
Lite Nepal
काठमाडौं । ‘मिस नेपाल २०२६’ प्रतियोगिताका लागि आवेदन प्रक्रिया सुरु गरिएको छ। आयोजक संस्था ‘द हिडन ट्रेजर’ले इच्छुक सहभागीले आगामी एक महिनाभित्र आवेदन दिन सक्ने जनाएको छ।
संस्थाका निर्देशक प्रमोद कंसाकारका अनुसार यस वर्ष पनि अन्तर्राष्ट्रिय मापदण्डअनुसार प्रतिस्पर्धी छनोट गरिनेछ।
प्रतियोगितामा सहभागी हुन चाहने आवेदकको उमेर १८ देखि २७ वर्षभित्र हुनुपर्ने व्यवस्था गरिएको छ। ३१ डिसेम्बर २०२६ सम्म २७ वर्ष ननाघेका तथा १ जनवरी २००० पछि जन्मिएका युवती मात्र योग्य मानिनेछन्।
उचाइ कम्तीमा ५ फिट ३ इन्च (हिल बिना) हुनुपर्नेछ। त्यस्तै, आवेदक अविवाहित हुनुपर्ने र यसअघि विवाह नगरेको हुनुपर्ने प्रावधान राखिएको छ।
नेपाली नागरिकता वा नेपाली पासपोर्ट अनिवार्य गरिएको छ भने न्यूनतम शैक्षिक योग्यता प्लस टु वा सो सरह तोकिएको छ।
आयोजकका अनुसार मिस वर्ल्ड संगठनले निर्धारण गरेका मापदण्डअनुसार शरीरमा स्थायी ट्याटु नभएको हुनुपर्ने सर्त पनि कायम राखिएको छ।
गैरआवासीय नेपाली (एनआरएन) आवेदकका सन्दर्भमा सामान्य विदेशी राहदानी वा एनआरएन परिचयपत्र मात्र पर्याप्त नहुने स्पष्ट गरिएको छ। नयाँ संवैधानिक व्यवस्थाअनुसार जारी एनआरएन नागरिकता कार्ड भएका व्यक्तिले मात्रै आवेदन दिन पाउनेछन्।
प्रतियोगिताको अन्तिम चरण अर्थात् फिनाले साउन महिनाको मध्यतिर आयोजना गर्ने तयारी गरिएको आयोजकले जनाएको छ।
Tags
१.
२.
३.
