विराटनगर । विराटनगरको आफ्नै घरबाट अभिषेक गिरीलाई प्रहरीले पक्राउ गरेको छ । नेपाली कांग्रेसका युवा नेता समेत रहेका उनलाई शनिबार बिहान प्रहरीले नियन्त्रणमा लिएको हो ।

मोरङ जिल्ला कारागारका कैदी बन्दीबाट रकम असुली र उनीहरूको भत्ता अपचलन गरेको आरोपमा गिरीलाई नियन्त्रणमा लिएको प्रहरीले जनाएको छ । 

जिल्ला प्रहरी कार्यालय मोरङबाट खटिएको टोलीले गिरीको निवासमा बिहान खानतलासी गरेको थियो । 

घरमा शङ्कास्पद वस्तु फेला नपरे पनि थप अनुसन्धानका लागि उनलाई नियन्त्रणमा लिइएको प्रहरीले जनाएको छ । यता गिरीले भने राजनीतिक प्रतिशोध साँध्न पक्राउ गरेको प्रतिक्रिया दिएका छन् ।