काठमाडौँ । नेपाल चेम्बर अफ कमर्सका अध्यक्ष कमलेश अग्रवालले लगानीसम्बन्धी नीतिको प्रभावकारी कार्यान्वयन हुन नसके स्वदेशी पुँजीसमेत बिदेसिन सक्ने बताएका छन्।

नेपाल चेम्बर र एनआरएनएबीचको समझदारीपत्र हस्ताक्षर कार्यक्रममा उनले प्रशासनिक झमेला, कानुनी अस्पष्टता र निर्णय प्रक्रियाको ढिलाइले लगानीकर्ताको विश्वास कमजोर बनाएको बताए। कानुन संशोधनसँगै त्यसको व्यावहारिक कार्यान्वयनमा ध्यान दिनुपर्ने उनको भनाइ छ।

चेम्बर र एनआरएनएबीचको समझदारीले विदेशमा रहेका नेपालीको पुँजी, सीप, ज्ञान र प्रविधिलाई नेपालको आर्थिक विकासमा जोड्ने लक्ष्य राखेको छ।