विराटनगर । सुपरस्टार यशको प्रतीक्षित फिल्म ‘टक्सिक’ प्रदर्शनमा आएसँगै दर्शकमाझ उत्साह देखिएको छ। विराटनगरस्थित सेन्ट्रल महलमा आजदेखि प्रदर्शनमा आएको फिल्मले दर्शकको राम्रो साथ पाएको छ।

फिल्मका अधिकांश शो आज बेलुकासम्म हाउसफुल भएको हलले जनाएको छ। फिल्म प्रदर्शनमा आएसँगै यशका नेपाली फ्यानहरू चलचित्र हेर्न हल पुगेका छन्।

चलचित्र हेरेपछि दर्शकहरूसँग लिइएको प्रतिक्रियामा पनि फिल्मप्रति सकारात्मक धारणा देखिएको छ। दर्शकहरूले यशको अभिनय, चलचित्रको प्रस्तुति तथा कथावस्तु राम्रो लागेको प्रतिक्रिया दिएका छन्।

फिल्म हेर्न आएका दर्शकको उत्साह र अधिकांश शो हाउसफुल हुनुले ‘टक्सिक’ले विराटनगरमा राम्रो सुरुवात गरेको देखिएको छ।