विराटनगर । रसुवा जिल्लाका विभिन्न स्थानमा गएको विनाशकारी बाढी तथा पहिरोबाट प्रभावित नागरिकका लागि नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउतले व्यक्तिगत रूपमा ११ लाख रुपैयाँ आर्थिक सहयोग गरेका छन्।

अध्यक्ष राउतले प्रधानमन्त्री राहत कोषमा सहयोग गरेको जानकारी दिँदै महासंघ कोशी प्रदेशले दुःखको यस घडीमा प्रभावित उद्योगी, व्यवसायी तथा संघ–संस्थाहरूलाई आफ्नो स्तरबाट सम्भव भएसम्म सहयोग तथा राहत उपलब्ध गराउनसमेत आग्रह गरेको छ।

रसुवा बाढी तथा पहिरोबाट ठूलो जनधनको क्षति भएको पछिल्लो विवरण सार्वजनिक भइरहेका बेला विभिन्न संघसंस्था तथा राजनीतिक दलहरूले समेत राहत तथा उद्धारका लागि आर्थिक सहयोग घोषणा गरिरहेका छन्।