विराटनगर । भारतले दोस्रो उडानमार्फत ३७।५ टन मानवीय सहायता तथा विपद् राहत सामग्री नेपाल पठाएको छ। भारतीय विदेशमन्त्री एस जयशंकरले भारतले औषधि तथा खाद्यान्नका प्याकेटसहित ३७.५ टन मानवीय सहायता तथा विपद् राहत सामग्री नेपाल पठाएको जानकारी दिएका छन्।

उनले नेपाललाई आवश्यक पर्ने थप सहयोग निरन्तर उपलब्ध गराउने र त्यसका लागि नेपाली अधिकारीहरूसँग समन्वय भइरहेको बताएका छन्। यसअघि भारतले बुधबार नै १० टन राहत सामग्री नेपाल पठाएको थियो।