काठमाडौं । नेपाली बजारमा सुनको भाउ घटेको छ। साताको कारोबारको दोस्रो दिन सोमबार छापावाला सुनको मूल्य अघिल्लो कारोबार दिनको तुलनामा प्रतितोला २ हजार ४ सय रुपैयाँले घटेको हो।

नेपाल सुनचाँदी व्यवसायी महासंघका अनुसार अघिल्लो दिन प्रतितोला ३ लाख ९ हजार रुपैयाँमा कारोबार भएको छापावाला सुन आज घटेर प्रतितोला ३ लाख ६ हजार ६ सय रुपैयाँमा कारोबार भइरहेको छ।

यता, चाँदीको मूल्य भने स्थिर रहेको छ। आज चाँदी प्रतितोला ४ हजार ७ सय ८० रुपैयाँमा कारोबार भइरहेको महासंघले जनाएको छ।