०८ आश्विन २०८३, बिहिबार
Lite Nepal
ताप्लेजुङ । ताप्लेजुङको दोस्रो ठूलो बजार दोभानमा विहीबार भएको आगलागीमा परी १० वटा घर जलेका छन् ।
मेरिङदेन गाउँपालिका –०३ दोभान बजारमा दिउँसो डङ्डु शेर्पाको ढुङ्गा, माटो र टिनको छाना भएको दुईतले घरमा सञ्चालित कपडा पसल तथा होटलबाट आगलागी सुरु भएको थियो ।
समयमा आगो नियन्त्रण नहुँदा आगलागीबाट ९ वटा घर पूर्ण रूपमा जलेर नष्ट भएका छन् भने १ वटा घरमा आंशिक क्षति पुगेको जिल्ला प्रहरी कार्यालय ताप्लेजुङले जनाएको छ ।
आगो फुङलिङ नगरपालिकाका २ वटा दमकल, नेपाल प्रहरी, नेपाली सेना र सशस्त्र प्रहरीको टोलीको सक्रियतामा नियन्त्रणमा आएको थियो ।
आगलागीबाट कुनै मानवीय क्षति नभएको प्रहरीले जनाएको छ । आगलागीको कारण भने खुल्न बाँकी छ ।
१.
२.
३.