काठमाण्डौ । काठमाडौं गोर्खाजले अस्ट्रेलियाका स्टार क्रिकेटर डेभिड वार्नरलाई आगामी नेपाल प्रिमियर लिग (एनपीएल) का लागि अनुबन्ध गरेको जनाएको छ। ३९ वर्षीय वार्नर एनपीएल खेल्न आउने हालसम्मकै ठूला विदेशी खेलाडी हुन्। उनले अस्ट्रेलियाका लागि दुई ओडीआई विश्वकप, एक टी–२० विश्वकप र विश्व टेस्ट च्याम्पियनसिप जितेका छन्।

समग्र टी–२० क्रिकेटमा वार्नरले ४३९ खेलमा १० शतक र ११८ अर्धशतकसहित १४ हजारभन्दा बढी रन बनाएका छन्। उनले आईपीएल, बीबीएल, पीएसएल, द हन्ड्रेड, एमएलसी, बीपीएल र सीपीएललगायत विश्वका प्रमुख टी–२० लिग खेलिसकेका छन्।