विराटनगर । माओत्से गुरुङ निर्देशित चलचित्र ‘पेन्सन पट्टा’ले कुल ७ करोड रुपैयाँभन्दा बढीको ग्रस कलेक्सन गरेको छ। पछिल्लो आइतबारसम्म फिल्मले ७ करोड १ लाख रुपैयाँ ग्रस कमाइ गरेको हो।

दयाहाङ राई र गौमाया गुरुङको शीर्ष भूमिका रहेको फिल्मले दर्शकबाट सकारात्मक प्रतिक्रिया पनि पाइरहेको छ। विशेषगरी पोखरालगायत लाहुरे सहरमा फिल्मको कलेक्सन बढ्दो देखिएको छ। निर्माताका अनुसार पोखरामा मात्रै फिल्मले १ करोड रुपैयाँभन्दा बढी कमाइ गरेको छ।