विराटनगर । विराटनगरबाट भन्सार छली गरी भारतबाट ल्याइएका ५७ बोरा खाद्य सामग्री बरामद गरिएको छ।
विराटनगर महानगरपालिका–७ स्थित भृकुटी चोकमा रहेको नेपाल ट्रान्सपोर्टमा लोड गर्ने तयारी अवस्थामा राखिएका खाद्य सामग्री सशस्त्र प्रहरीले बरामद गरेको हो।

सशस्त्र प्रहरी बल नेपाल नं. ३ गण हेडक्वार्टर कंकालिनी मोरङबाट खटिएको मोबाइल गस्ती टोलीले आज (बिहिवार ) ३७ बोरा खुर्सानी, १० बोरा केराउ र १० बोरा चनाको दाल बरामद गरेको जनाएको छ।

बरामद सामग्री आवश्यक कारबाहीका लागि भन्सार कार्यालयमा बुझाउने प्रक्रिया भइरहेको सशस्त्र प्रहरीले जनाएको छ।