पाँचथर । पाँचथरको हिलिहाङ गाउँपालिका १ मा रहेको अरुण भ्याली हाईड्रोपावर कम्पनीमा काम गर्ने मजदुरको फलामको पाईपले लागेर मृत्यु भएको छ ।

मृत्यु हुनेमा गुल्मी सत्यवती गाउँपालिका २ का २९ बर्षीय मोहन राहादी मगर रहेका छन् ।

बिहीबार बेलुका ५ बजे साढे ३ मिटर गोलाई भएको अन्दाजी ४ टन वजन भएको फलामको पाईप बा ३ क ३८४५ नम्बरको क्रेनले उठाउने क्रममा क्रेनको साङली चुडिएर मगरको घाटीमा लाग्दा घटनास्थलमानै मृत्यु भएको थियो ।

क्रेन अप्रेटर बारा सँखुवाघाट गाउँपालिका ७ का २८ बर्षीय अनिल लोप्चनलाई प्रहरीले नियन्त्रणमा लिएर अनुसन्धान गरिरहेको छ ।