विराटनगर । प्रदेश १ मा बिहीबार एकैपटक ६६ जनामा कोरोना संक्रमण पुष्टि भएको छ ।

सामाजिक विकास मन्त्रालयका अनुसार बिहीबार ५१ पुरूष र १५ जना महिलामा संक्रमण देखिएको हो ।

विहीबार संक्रमित हुनेमा विराटनगरका २१ सहित मोरङमा २४, सुनसरीमा १९, झापाको मेची नगरपालिका ८ र इलाम नगरपालिकामा १५ जना छन् ।

प्रदेश १ मा ४ जनाले संक्रमणकै कारण ज्यान गुमाउँदा हाल सम्म १२ सय ५५ जनामा कोरोना संक्रमण देखिएको छ । ती मध्ये ९०५ जनाले कोरोना जितेका छन् ।