विराटनगर । प्रदेश १ मा एक कोरोना संक्रमितको मृत्यू भएको छ । विराटनगर स्थित कोशी अस्पतालको आईसोलेसनमा सोमबार एक संक्रमितको मृत्यू भएको हो ।

मृत्यू हुनेमा विराटनगर ५ का ७७ वर्षीय पुरुष छन् । कोसी अस्पतालका चिकित्सक डा. दिपक सिग्देलका अनुसार उनी सोमबार विहान श्वासप्रश्वासमाको समस्या लिएर आएका थिए । उनमा कोरोनाको शंका लागेर स्वाब संकलन गरि आइसोलेशनमा राखेर उपचार थालिएको थियो ।

यो प्रदेश १ मा कोरोनाका कारण मृत्यू भएको दोस्रो घटना हो । कोरोना संक्रमितको मृत्यु भएपछि परिवारको सहमतिमा नेपाली सेनाको टोलीले शव व्यवस्थापनको गर्ने बताईएको छ ।