काठमाडौं । नेपालमा पछिल्लो दिनहरुमा कोरोनाभाइरसको संक्रमण बढ्दै गइरहेको छ । सरकारले कोरोनाभाइरसको रोकथामको लागि गरेको लकडाउन अन्त्य गरेपछि कोरोना संक्रमितको संख्या झन बढिरहेको छ । यस्तै यसै बिषयलाई लिएर प्रधानमन्त्री केपी शर्मा ओलीले विज्ञहरूसँग छलफल गर्न लागेका छन्।

उनले अब लकडाउन गर्नेकी नगर्ने भन्ने बिषयमा विज्ञहरूसँग छलफल गर्न लागेको बताइएको छ । उक्त बिषयमा छलफल गर्न प्रधानमन्त्री ओलीले कोभिड–१९ शंकट व्यवस्थापन केन्द्रमा रहेका मन्त्री, सचिव र अन्य विज्ञहरुलाई बोलाएको बताइएको छ ।

स्रोतका अनुसार काठमाडौं उपत्यका, पर्सा लगायतका स्थानमा कोरोना बढिरहेकोले कसरी अगाडि बढ्ने भन्ने बिषयमा छलफल गरिने जनाइएको छ । प्रधानमन्त्रीले मंगलबार विज्ञहरूसँगको बैठक आयोजना गर्ने स्रोतले जनाएको छ ।