उदयपुर । जंगली बँदेललाई थापेको बिद्युतीय धरापमा पर्दा उदयपुरका एक जनाको ज्यान गएको छ ।

जंगली बँदेलले खेतबारीको मकै धमाधम नष्ट गर्न थालेपछि वँदेल तर्साउन आफैले थापेको बिद्युतीय धरापमा परी बिहीबार त्रियुगा नगरपालिका ९ राजाबासका ५४ बर्षिय जगदिश पोखरेलको ज्यान गएको हो ।

बुधबार राती आफ्नै मकैबारीमा विच्छ्याएको विद्युतिय धराप विहान निकाल्न जाँदा करेन्ट लागि घाईते भएका पोखरेलको जिल्ला अस्पतालमा उपचारकोक्रममा ज्यान गएको जिल्ला प्रहरी कार्यालयका डिएसपी बेदप्रसाद गौतमले जानकारी दिए ।

मृतकको शव पोष्टमार्टम पछि आफन्तलाई बुझाइ घटनाको थप अनुसन्धान भईरहेको उनले बताए ।