सुर्खेत । लोपोन्मुख राउटे समुदायले शुक्रबार कर्णाली प्रदेशका मुख्यमन्त्री महेन्द्र बहादुर शाहीसँग भेटेर राउटे समुदायको संरक्षण गर्न आग्रह गरेका छन् ।
उनिहरुले मुख्यमन्त्रीसँगको भेटका क्रममा राउटे समुदायमा दैनिक उपभोग्य सामाग्रीको अभाव भएको भन्दै सहयोगका लागि पनि अनुरोध गरेको मुख्यमन्त्रीको सचिवालयले जनाएको छ ।
उनिहरुको समस्या सुनेका मुख्यमन्त्री शाहीले राउटे समुदायको संरक्षण एवं खाध्यान्न लगायतको सामाग्री सरकारले उपलब्ध गराउने बताए ।
मुख्यमन्त्री शाहीले शुक्रबारनै खाद्यान्न लगायतका दैनिक उपभोग्य सामाग्रीको प्रबन्ध गर्न सामाजिक विकास मन्त्रालयलाइ निर्देशन समेत दिए ।
भेटघाटमा सामाजिक विकास मन्त्री यज्ञबहादुर बिसीको पनि सहभागिता रहेको थियो ।